EX- පෙම්වතාට

මේ ලියන්නේ මගේ හොඳම මිතුරියගේ එක්ස් පෙම්වතාට,,,

මම හොඳටම විශ්වාසයි ඔයාට මාව මතක නෑ කියලා.ඒත් දවසක් අපි මුණගැහිලා තියනවා.මම ඇයගේ හොඳම මිතුරිය.කමක් නෑ ඔයා මාව නොදන්නවට...මම ඔයා දන්නවා...ඒ කියන්නේ ඔයා ඇයට එවපු හැම ආදරණීය කෙටි පණිවිඩයක් ගැන වගේ ඔය දෙන්නගේ හැම ආදරණීය හමුවීමක් ගැනම මම දන්නවා.එයාගේ හිත රිදෙන තරමට, ඇස් වලින් කඳුලු වැටෙන තැනට ඔයා තදින් කතා කල හැම වචනයක් ම මම දන්නවා.ඒ කියන්නේ ඔය දෙන්නගෙ කතාව මම මුල ඉඳලා අගටම දන්නවා කියන එකට...

මගේ මිතුරිය ඔයාව ගැන හිත රිද්දන් කතා කල හැම මොහොතෙම මම ඇයට ඉගැන්නුවේ ඔබේ සිතුවිලි වලින් හිතන්න.කෙටියෙන් ම කිව්වොත් මම ඇය ඉස්සරහ පෙනීසිටියේ ඔබ වෙනුවෙන්...ඒත් ඇයට ඔබ නොගැලපෙන චරිතයක් කියලා මම තේරුම් ගත්තා.

මට හරි පුදුමයි ඔබ ඇයගෙන් වෙන් වුණා කියලා දැනගත්තම.මට ඔය දෙය තේරිලා දැන් ගොඩක් කාලයක් වෙනවා.ඒ කොහොමද කියලා ඔයා මගෙන් ඇහුවොත් මට කියන්න තියෙන්නේ ඔයා වගේ පිරිමි අය ගැන මම කලින් දැනගෙන හිටියා කියල විතරයි.ඔයා එයාව ලස්සනයි කියපු පලවෙනි පිරිමියාවත් අන්තිම පිරිමියාවත් නොවන වග මම දැනගෙන හිටියා.මතක තියාගන්න...ඔයා මුහුදේ ඉන්න චූටිම චූටි හාල්මැස්සෙක් කියලා විතරක්...

ඔයා වගේ ගොඩක් අය හිටියට මම වගේ අය ඉන්නේ එක්කෙනයි.ඔබ ඇයව ප්‍රශ්න වලදි ඇතෑරලා ගියාට මම ඇයව ඇතෑරලා ගියේ නෑ.ඒකයි මිත්‍රයා උබයි මමයි වෙනස් කියන්නේ...එයා චූටි ගෑනු ලමයෙක් වගේ අඬද්දී ඔයාට ඇයව ඇතෑරල යන්න තිබුනු වගේ හිතේ හයියක් මට නෑ.ඇගේ අවසාන කාලය වෙනකන්ම මම ඇය එක්ක ඉන්න පොරොන්ද්දු වෙනවා.වැරදියට හිතන්න එපා...ඒ මගේ හොඳම මිතුරිය...ඔබ වගේ කොයි තරම් පිරිමි ඇගේ ජිවිතේට ලං වෙලා ඈත් වුණත් මම ඇය වෙනුවෙන් හැමදාම පෙනී සිටිනවා.වැරදියට හිතන්න එපා.ඒ මගේ හොඳම මිතුරිය...ඇයට අඬන්න ඔබේ උරහිස දෙන්න බැරි වුනාට මම අදත් ඇයව බඳාගෙන අඬනවා.අද වගේම හෙටත් ඇයව ශක්තිමත් කරනවා.දිරිමත් කරනවා.ඇගේ කතාව වගේම මගේ කතාවත් මගේ මිතුරිය හොඳටම දන්නවා.ඇයට ඔබ අහිමි වුණාට අපිට අපි අහිමි වුනේ නෑ මිත්‍රයා...

මම ඔයාට වෛර කරන්නේ නෑ...පලිගන්නේ නෑ...ඒත් එක ඉල්ලීමක් කරනවා.ඔබ ඇයව ඇසුරු කල කෙටි කාලේදී ඔබ ඇය ගැන දැනගත් ඇගේ අභ්‍යන්තර හෝ බාහිර කිසිම රහසක්, හීනයක්, අරමුණක් පිටස්තරයෙක් ඉස්සරහා කියලා මගේ මිතුරිට බාල්දු කරන්න වත් හෑල්ලු කරන්නවත් එපා..ඒ බොහොම ගෞරවනීය ඉල්ලීමක්...ඔබ ඇය හැර ගිය බව ඇත්තය..පින් සිද්ධ වෙයි...නමුත් ඇගේ ආත්ම ගෞරවය ඇගෙන් හැර යන තැනට කටයුතු කරන්න එපා...

එහෙම කලා කියලා මම ඔයාට කවදාවත් ගරු කරන්නේ නෑ...ඒත් මම ගරු කරනවා මගේ මිතුරියට හදවතින්ම කවදහරි දවසක ආදරේ කරන පිරිමියෙක්ට.එදාට මගේ මිතුරිය එදාට මේ ලෝකේ සුන්දරම පිරිමියා ලැබුණු වග මට කියාවි.එදාට ඒ සතුටු කඳුලු පිහිදාන්න මමත් ඉන්නවා.මට එදාට ඒ සතුට විදගන්න අමාරු වෙයි...

එකම වෙලාවේ ගෑනු ලමයි දෙන්නෙක්ට ආදරේ කරන්න එපා.ඔබේ පෙම්වතිය ඔබේ සමීපතමයන් ඉස්සරහා හෑල්ලු කරන්න එපා කවදාවත්.ඇය ඔබට නොවටීනා භාණ්ඩයක් කරන්න එපා සමාජය ඉස්සරහා.ආයෙත් කියන්නේ අන්තිමට කලින්...ඔයා අහිමි කරගත්තේ මේ ලෝකේ ඉන්න හොඳම ගෑනු ලමයා කියන එක...

අන්තිමට කියන්නේ මගේ මිතුරියට වාසනාවන්ත අනාගතයක් ප්‍රාර්ථනා කරන ගමන් මට ඔබට ප්‍රාර්ථනා කරන්න ඉතුරු වුනේ අවබෝධය විතරයි.

නවතින්නම්...

මීට
විශ්වා
(අන්තර්ජාලය ඇසුරිනි)