පුංචි බොරැල්ලේ
හොස්ටල් එක ලඟ
චක්‍රීය දුමාරෙක
ආදරේ හොයන
කොල්ලොන්ට විතරක් විරිත්තන
කෙල්ලන්ට පුප්පන
එකී තමයි දවසටත් ගෑනි
කැම්පස් වත්තේ
මල්කූරු විකුණන
මට ඕනවුනේම දවසක
සිකියු(රු)ටි යුනිෆෝම් එකයට
එකිගේ පිට ලෑලි පපුවට
අස්සෙන් හැංගිලා ගල්වෙච්ච
ඒ ගෑනු හදවතට
තට්ටුවක් දාන්න
ඇහැට ඇඟිල්ලෙන් ඇනලා හරි
ඒකිව අඬවන්න...
එහෙම දවසක එකී ඇඬුවේ
තණමල්විල හෙල්ලිලා යන්න...
ඒකී අඬ අඬා වමාරන්නේ
ඒකිගේ ජීවිත කතාව...
තරුණකම තනි පැදුරේ
හොරු අරන් ඔහේ ගිහින්
කැලෙන්ඩරේ පිටු කැඩුනට
එකීටත් ඕන ඇති
හිත හැඳෙනකන්
පිරිමි උරහිසක එල්ලිලා අඬන්න...
නීතිය කන්‍යාවිය වුණත්
ඇස් බැඳන් නන්නත්තාරේ යනකොට,
අවනීතියෙන් හරි
තෙල් කෝලේ උඩ තියලා
එකී අඳින්නේ ඒකිගේ ජීවිතේ...
ඔව්..ඒකී දක්සයි තමයි
කොල්ලොන්ගෙ මහපොළෙන්
කලු සල්ලි මවන්න...
වැළහින්න වගේ
ඒකී අඬන්න ගත්තම
මහාමේරු පර්වතේ වුණත්
හෙල්ලිලා යන තරම්
"අප්පලා නැතත් දුවෙකුට
අම්මෙක් නැතුව මොකටද
මිස් දන්නේ නෑ මිස්
මගේ සොච්චම් පඩිය ගැන"
අවුරුද්දකට වැඩියෙන්
පිලිකාව උඩ දුවලා
මහරගම ඉස්පිරිතාලේ
අම්මා ගොරොත්ත අඳිද්දී
මට බලන් ඉන්න බෑ මිස්
බදු වැඩි සිගරෙට්ටු දැල්ලක
මල්කූරකට තියලා පුච්චලා
කොල්ලෝ මරලා හරි
මම හොයන්නේ සල්ලී මිස්!!!
