(නිමිත්ත-කවියෙක්ව දේවේශ සහගත ලෙස හැර ගිය පෙම්වතියකගෙන් ලියුමක්)
පොත් කරලා විකුණන්න
තීරු පත්තර වලට
ඒ වුණත් ලියුවේ නෑ
ඔබ වගේ කුප්ප කවි!
නොදන්නවා නොවේ මං
අපි දන්න ගොඩක් අය
මට පැතුවේ එක සිතින්
හෙණ ගෙඩියි වැහි නැතුව
ඇත්තමයි බැලුවාම
හැරගියේ මම නුඹව
හඳ වුණත් දන්නවා
ඔබ ලියුව දුක් කවිය
කවුරුත්ම දන්නේ නෑ
මම නොලියූ අපේ කවිය
රිදුණු තැන් අතගගා
ඔබ දන්නේ නැතුව ඇති
දැන් වුණත් අඬන හැටි
මගේ ඇස් ගොරකා ලොඩි!
"දේවේශ සහගත හැරයෑම"
කළු කබා ලොකු කතා!
උන් වුණත් දන්නෙ නෑ
ආදරේ සිහිල් ගති!!
ආදරේ කියන්නෙම
හද කීරිගස්වන
කිතිකවා සනසවන
හද නිවන සිහිල් ගති
තොදොල් වෙන ආදරේ
මට ඕන වෙලාවක
ඒ වුණත් ඔබ කිව්වේ
රුසියන් පොත් බලන්
ගෝර්කිගේ පඬි වැකි!
No comments:
Post a Comment